Yanzu-yanzu: Yan Boko Haram sun saki bidiyon daliban Kankara da suka sace Kalli Bidiyon Anan
Don karyata jawabin gwamnan Katsina, Boko Haram ta saki bidiyin yaran da ta sace - A ranar Laraba Masari ya ce Abubakar Shekau makaryaci ne, ba shi ya sace daliban ba Daya daga cikin yaran ya yi gajeren jawabi cikin faifan bidiyon,
Shugaban yan ta'addan Boko Haram, Abubakar Shekau, ya saki bidiyon tabbatarwa gwamnatin tarayya cewa shi da yaransa suka sace daliban makarantar sakandaren kimiya dake Kankara, jihar Katsina ranar Juma'a.
HumAngle ta samu faifain bidiyon wanda ya tabbatar da cewa daliban na raye kuma yan ta'addan na shirin tattaunawa da gwamnati. An saki bidiyon mai tsawon minti shida da sakwan 30 inda daya daga cikin yan ta'addan yayi jawabi kuma aka nuna hoton daya daga cikin daliban.
Hakazalika ana iya ganin sauran daliban a bayansa sun yi datti kuma da alamu suna cikin daji. Daya daga cikin daliban wanda yayi magana a Turanci da Hausa, ya yi kira ga gwamnatin tarayya ta tattauna da yan ta'addan kuma ya bada shawaran kada ayi amfani da karfin bindiga.
A cikin bidiyon ana iya sauraron dalibin yana cewa: "Ku taimaka, wajibi ne ka rusa dukkan yan sa kai, ka kulle dukkan makarantu, amma banda Islamiyya." "Ku mayar da dukkan Sojojin da kuka turo." Hakazalika ana iya sauraron daya daga cikin yan ta'addan yana yiwa gwamnan jihar Katsina, Aminu Bello Masari, martani kan karyata Shekau da yayi.
Kalli bidiyon:
"Please, you have to dissolve any gang of vigilantes, close any kind of schools, excluding Islamiyyah [Qur'anic schools]. All the troops who have come here to help us, please send them back," one of the abducted schoolboys pleaded in the released video. pic.twitter.com/QbHCTpQ6cJ
— HumAngle_ (@HumAngle_) December 17, 2020
SOURCE: LEGIT.NG
0 Response to "Yanzu-yanzu: Yan Boko Haram sun saki bidiyon daliban Kankara da suka sace Kalli Bidiyon Anan"
Post a Comment
Tell us what you think about this article?