Kusauke Manhajar Bzglobalservice.com.ng Acikin Wayoyinku Na Android Kyauta Domin Samun Labarai

MUNA SIYAR DA DATA TA SHIGA YANAR GIZO TA KAMFANIN MTN DOMIN SIYA DANNA HOTON DAKE QASA YANZU

  • Latest News

    Monday, March 16, 2020

    Hukumar yaki da rashawar jihar Kano za ta sake sammatar Sanusi Lamido

    Hukumar sauraron korafi da yaki da rashawar jihar Kano za ta sake sammatar tsohon sarkin Kano, Muhammadu Sanusi II, na ba da dadewa ba domin kare kansa kan zargin almundahanar kudin filin Gandun Sarki na kimanin, N2.2 biliyan.

    Ana zargin tsohon sarkin Kanon ne da laifin sayar da filaye a Darmanawa Phase I da II, da kuma Bubbugaji a Kano. Thisday ta ruwaito cewa a karshen makon da ta gabata, hukumar ta samu isassun hujjojin da zasu isa a sammaci tsohon sarkin kuma a kaddamar da bincike a kansa. Hakazalika, Antoni Janar kuma ministan shariar, Abubakar Malami SAN, ya yi watsi da rahoton cewa shine ummul habaisin cire Sarkin Sanusi.

    Zaku tuna cewa a ranar 5 ga Maris, hukumar yaki da rashawar ta jihar Kano ta daga ranar sammacin Sanusi daga 5 zuwa 9 ga Maris, amma wata babbar kotun tarayya dake Kanon karkashin jagorancin Alkali Lewis Allgoa, ta hana hukumar binciken tsohon sarkin.

    Amma hukumar ta lashi takobin sake sammatar Sanusi saboda hukuncin daukaka kara ya bata daman binciken kowani irin mutumin da jihar ke zargi ga cin hanci da rashawa. Majiya mai karfi ta bayyana cewa hujjojin da ke gaban hukumar yanzu za ta isa wajen damke tsohon sarkin da kuma gurfanar da shi a kotu. “Har yanzu ana bincike, 

    hukumar ta gayyaci wasu kamfanoni. Nan ba da dadewa ba za a sammaci tsohon sarkin domin kare kansa kan zargin sayar da dukiyar gwamnati. Kuma a sani cewa wannan sabon tuhuma ne.“ “Sauke sarkin ba zai hana hukumar gudanar da ayyukanta na bincike a kansa ba. ,”Yace Za ku tuna cewa a 2019, hukumar ta baiwa gwamnatin jihar shawarar dakatad da sarkin kan laifin almubazzaranci da kudin masarautar.


    LATSA NANπŸ‘‡πŸ‘‡πŸ‘‡ DOMIN SAMUN LABARAI DA DUMI DUMI TA WHATSAPP https://chat.whatsapp.com/BztTOlXx6c183yYthtZq1Y


    KU BIYOMU TA FACEBOOK FAGE DINMU KUYI LIKE DOMIN SAMUN LABARI 




    • Facebook Comments
    • Facebook Comments

    0 comments:

    Post a Comment

    KAYI TAMBAYA ANAN KOKA FADI RA'AYINKA AKAN ABINDA MUKEYI

    Item Reviewed: Hukumar yaki da rashawar jihar Kano za ta sake sammatar Sanusi Lamido Rating: 5 Reviewed By: Admin
    AIKA LABARI