Coronavirus: An fitar da sakamakon gwajin Shugaban 'Yan sandan Najeriya

Sakamakon gwajin kwayar cutar Covid-19 da aka yi wa Sufeta Janar (IGP) na Rundunar 'yan sandan Najeriya, Mohammed Adamu ya nuna cewa ba ya dauke da kwayar cutar. IGP din ya samu sakamakon gwajinsa da safiyar yau 31 ga watan Maris bayan an dauki jininsa domin gwajin a ranar Juma'a 27 ga watan Maris na 2020

kamar yadda Kakakin rundunar, Frank Mba ya bayyana cikin sanarwar da ya fitar. Mba shima ya bayyana cewa ya yi gwajin kuma sakamakon ya nuna baya dauke da kwayar cutar kamar yadda Daily Trust ta ruwaito

 Ya kuma ce wasu daga cikin jami'an rundunar da suka yi gwajin kuma ba su kamu da cutar ba sun hada da; Shugaban ma'aikatan IGP, DCP Idowu Owohunwa; Shugaban sashin bayyanai sirrin, DCP Lanre Ogunlowo; Likitan IGP, CSP (Dakta) Nonye Welle; Jami'in Lafiya na Asibitin Hedkwatan 'Yan sanda na Abuja CSP (Dakta) Titus Adegbite; Sakataren IGP, SP Moses Jolugbo da wasu jami'an yan sanda 5 da ke kusa da IGP.

Sanarwa ta shawarci jami'an rundunar a dukkan jihohin Najeriya su cigaba da kulawa da dokokin da masana kiwon lafiya suka bayar na kare kansu da kamuwa daga cutar duk da cewa aikin dan sanda yana bukatar hulda da al'umma. Ya kuma shawarci al'ummar kasa su yi biyaya ga shawarwarin kwararru da fanin kiwon lafiya da likitoci da jami'an tsaro domin kare kansu daga kamuwa daga muguwar cutar mai kisa.


LATSA NAN👇👇👇 DOMIN SAMUN LABARAI DA DUMI DUMI TA WHATSAPP  https://chat.whatsapp.com/BztTOlXx6c183yYthtZq1Y



KU BIYOMU TA FACEBOOK FAGE DINMU KUYI LIKE DOMIN SAMUN LABARI 

Bz Global Service

b