Babu marabar dambe da fada tsakanin Buhari da Hushpuppi, domin duka ‘yan damfara ne – Aisha Yesufu

Jigo a cikin kungiyar nan ta BringBackOurGirls, Aisha Yesufu, ta sake caccakar shugaban kasa Muhammadu Buhari, inda ta ce shugaban kasar mai shekaru 77 tafiyar shi daya da fitaccen dan damfarar nan da aka kama a Dubai, wato Raymond Abbas, wanda aka fi sani da Hushpuppi.

A cewar Aisha, babu gaskiya a cikin gwamnatin Buhari, kamar yadda aka sanya mutane suka yadda cewa komai ana yin shi bisa ka’ida ne, ta ce tun lokacin da ya ci zabe a shekarar 2015, Buhari bai bayyanawa duniya kudin da ya samu ba daga wajen al’umma wanda ya bukaci a taimaka masa zai yi yakin neman zabe da su.

Kwanan nan aka kama Hushpuppi a Dubai dake cikin babbar Daular Larabawa, a ranar 10 ga watan Yuni, kan zargin damfara, inda aka ce ya damfari mutane 1,926,400.

A wani rubutu da tayi a shafinta na Twitter, Aisha ta ce: “Da Buhari da Hushpuppi duka tafiyar su daya.

“Duka sun damfari miliyoyin mutane kudi! Ina kudin kamfen da aka tattarawa Buhari na 2015?

“Yayin da Hushpuppi shi damfarar kudi yayi kawai, shi Buhari biyu ya hada damfarar kudi da ta siyasa.”

Tuni dai gwamnatin tarayya tayi magana aka kama Hushpuppi da aka yi a Dubai.

Shugabar ‘yan Najeriya dake zama a kasashen ketare Abike Dabiri-Erewa, ta ce kada ayi amfani da abinda Hushpuppi yayi wajen yiwa ‘yan Najeriya dake zaune a kasashen ketare kudin goro.

Muhammadu Buhari @MBuhari and Hushpuppi are in the same business. They both defrauded millions of their money! Where is the 2015 Buhari campaign donations, statement of account?

While Hushpuppi defrauded financially, Buhari defrauded both financially and politically.
🚶‍♀️🚶‍♀️🚶‍♀️🚶‍♀️🚶‍♀️ pic.twitter.com/KZq9iCHp8l

— Aisha Yesufu (@AishaYesufu) July 1, 2020

  KU AIKO MANA DA LABARI KO SHAWARWARI KO MAGANA DAMU KAITSAYE TA ADRESHIN EMAIL: bzglobalservicelabari@gmail.com

KARANTA WASU SABBIN LABARAI ANAN: https://www.bzglobalservice.com.ng/

KU BIYOMU A: https://web.facebook.com/Bzglobalservice.com.ng/

Twitter: https://twitter.com/bzglobalsevice

LATSANAN DOMIN SAMUN
 LABARI TA WHATSAPP: https://chat.whatsapp.com/KKAd5L0NolZ4F6yJqdblUO

KU SAUKE MANHAJARMU TA ANDROID APPLICATION AWAYOYINKU NA HANNU KYAUTA DOMIN SAMUN LABARAI DA DUMI DUMI: https://www.appcreator24.com/app757657