Matsalar tsaro: ‘Yan Sakai ne suke sawa ake kashe mutane a Katsina – Masari

Sakamakon yawan hare-hare da ake kara samu a jihar Katsina, gwamnatin jihar ta caccaki ‘Yan Sakai, akan cewa sune suke sanyawa ake wannan kashe-kashe a jihar.

A cewar Daily Trust, hakan ya fito daga bakin gwamnan jihar Aminu Bello Masari a jiya Lahadi 28 ga watan Yuni, a lokacin da ya kai ziyara sansanin ‘yan gudun hijira dake karamar hukumar Dandume a jihar.

A yayin da yake zargin cewa abubuwan da ‘Yan Sakai din suke yi yana kawo cikas ga ayyukan jami’an tsaro, Masari yayi gargadi sosai, inda ya ce gwamnatin jihar kawai tana goyon bayan ‘Yan Sakai da hukumomin tsaro suka sani.

Ya ce: “Bamu yadda da wasu ‘Yan Sakai ba, saboda a lokuta da dama, sune suke tsokano ‘yan bindiga suna kashe mutanen da basu ji ba basu gani ba.”

“Yan Sakai suna iya tafiyar kilomita 30 daga inda suke su kashe Bafulatani, ko kuma duk wani wanda suke zargin dan bindiga ne, kuma a lokacin da ‘yan bindigar suka gani, sai su kai hari kauyen da yake da kusanci da su. Haka ya faru a Kadisau, da kuma kauyuka da dama da aka kashe mutane da yawa.”

A baya dai gwamnatin tarayya tayi zargin cewa Sarakunan gargajiya ne suke taimakawa ‘yan bindigar suke kashe al’umma a Najeriya.

Hakan ya fito daga bakin babban mai taimakawa shugaban kasa a fannin yada labarai, Malam Garba Shehu, sai dai amma bai bayyana sunayen wadanda fadar shugaban kasar take zargi ba.

KU AIKO MANA DA LABARI KO SHAWARWARI KO MAGANA DAMU KAITSAYE TA ADRESHIN EMAIL: bzglobalservicelabari@gmail.com

KARANTA WASU SABBIN LABARAI ANAN: https://www.bzglobalservice.com.ng/

KU BIYOMU A: https://web.facebook.com/Bzglobalservice.com.ng/

Twitter: https://twitter.com/bzglobalsevice

LATSANAN DOMIN SAMUN
 LABARI TA WHATSAPP: https://chat.whatsapp.com/KKAd5L0NolZ4F6yJqdblUO

KU SAUKE MANHAJARMU TA ANDROID APPLICATION AWAYOYINKU NA HANNU KYAUTA DOMIN SAMUN LABARAI DA DUMI DUMI: https://www.appcreator24.com/app757657