Sabon salo: Boko Haram sun fara bai wa kananan yara horo

Jami'an tsaron hadin guiwa (MNJTF) sun ce kungiyar ta'addanci na Boko Haram ta fara kirkiro wani tsari na amfani da yara a matsayin sojojinta don dawo da rinjayenta da ya warware a yankin tafkin Chadi. Shugaban fannin yada labarai na rundunar, 

Timothy Antigha, ya sanar da hakan ne a wata takardar da ya fitar daga N'Djamena a ranar Alhamis, PR Nigeria ta ruwaito. Antigha, sojan Najeriya mai mukamin kanal, ya ce sun fara diban yara kanana cewa hakan sabon salo ne bayan yadda mayakan su ke ta mika kansu da makamai ga rundunar soji. 

Ya ce wannan bayanin abun takaici ne kuma majiyoyin kwararru da hadin guiwar wasu kungiyoyi masu kishi ne suka gano hakan. Ya kara da cewa, 'yan ta'addan Boko Haram sun sake tabbatar da wannan ci gaban bayan da suka wallafa hotunan yara sanye da kayan sojoji kuma rike da makamai a sabon bidiyon sallah da suka saki.  

"Tun farko, sun fara da sace yara mata 'yan makaranta saboda su samu matan aure sannan su dinga kashe mutane. "Wannan ci gaban na diban kananan yara a matsayin sojoji ya biyo bayan matsanancin rashin da suka shiga na dakaru da kuma rikicin shugabanci da ya addabesu. "Sun mayar da hankali wurin diban yara kanana ne saboda za su fi musu saukin juyawa da kuma dasa musu muguwar akidar fiye da manya. 

"Sakamakon wannan al'amarin, MNJTF na kira ga iyaye, shugabannin na addinai da gargajiya, da su zuba ido a kan yaransu don gujewa fadawarsu cikin wannan masifa," yace. Antigha ya shawarci matasa da su kiyaye duk wasu alkawurra da za a musu na shugabanci ko arziki daga kungiyar. "Labaran matsanancin talauci da kuma shaidanci duk ana samunsu daga tubabbun mayakan. 

Sun ce babu wani abun a zo a gani da suke da shi balle su bai wa wasu. "Idan za a tuna, taron kungiyar majalisar dinkin duniya a kan harkokin yara ta hana saka yara cikin rikici ko amfani da su a yayin tarzoma. 

"Wannan ne yasa MNJTF ke janyo hankalin majalisar dinkin duniya, cibiyoyin da ya dace da kuma sauran masu ruwa da tsaki da su san abinda ke faruwa kuma a dauka matakan da ya dace. "A bangarenmu, MNJTF za a ta ci gaba da mayar da hankali wurin bada kariya ga yara da sauran kungiyoyin da ke yankin," ya kara da cewa. 

Source: Legit.ng 

DAGA: BZGLOBALSERVICE.COM.NG

LATSANAN DOMIN SAMUN LABARAI TA WHATSAPP:
https://chat.whatsapp.com/KKAd5L0NolZ4F6yJqdblUO

SAYI  KWAKWKWARAR  DATAR MTN  MAI KYAU DA INGANCI ANAN DOMIN SIYA YANZU LATSA NAN↓↓↓
https://paystack.com/pay/mz-st-fdub

KARANTA WASU SABBIN LABARAI ANAN: 
https://www.bzglobalservice.com.ng/

KU BIYOMU A SHAFUKAN

@FACEBOOK: https://web.facebook.com/Bzglobalservice.com.ng/

@TWITTER: https://twitter.com/bzglobalsevice

KU AIKO MANA DA LABARI KO SHAWARWARI KO MAGANA DAMU KAITSAYE TA ADRESHIN EMAIL: bzglobalservicelabari@gmail.com

KU SAUKE MANHAJARMU TA ANDROID APPLICATION AWAYOYINKU NA HANNU KYAUTA DOMIN SAMUN LABARAI DA DUMI DUMI: https://www.appcreator24.com/app757657