LABARAN YANZU

6/Labari/ticker-posts

Hukuncin kashe matashi saboda batanci: Kungiya ta rubuta wasika zuwa Ganduje, Buhari, da Amurka

Wata kungiya mai rajin kare dimokradiyya, 'Concerned Nigerians', ta rubuta wata wasika zuwa ga gwamnan jihar Kano, Dakta Abdullahi Umar Ganduje, da shugaban kasa, Muhammadu Buhari da ofishin jakadancin kasar Amurka. 


Kungiyar ta rubuta wasikar ne domin nuna rashin amincewa da hukuncin kisa da wata kotun Shari'ar Musulunci a jihar Kano ta yankewa Yahaya Sharif Aminu,wani matashi da ke wakokin yabon Inyass. 


A cikin wasikar da suka aika zuwa ofishin gwamnan jihar Kano, shugaban kasa, da ofishin jakadancin Amurka, kungiyar ta bayyana cewa hukuncin kotun ya sabawa adalci da aiki da hankali da tunani. 


A cikin wani jawabi da shugabanta na kasa, Deji Adeyanju, ya fitar, kungiyar ta yi alla-wadai da kokarin yin amfani da jami'an tsaron kasa domin yin aikin addinan da basu da matsunguni a kundin tsarin mulkin kasa. 


"Kundin tsarin mulkin kasa ya haramta 'yan sandan addini a karkashin sashe na 10, sannan bai rungumi wani addini a matsayin na kasa ba. "Sashe na 38 na kundin tsarin mulkin Najeriya ya tabbatarwa da duk 'yan kasa 'yancin tunani, addini da kuma 'yancin sauya addini ko abin bautar da mutum ya yarda da shi." 


"Mu na kira ga shugaban kasa da ofishin jakadancin kasar Amurka a kan su roki gwamnan jihar Kano don ya ceci wannan matashi daga rashin adalcin da aka yi masa da kuma tserar da rayuwarsa wacce yanzu haka ke cikin hatsari a gidan yari na Kano inda ake tsare da shi," a cewar kungiyar. 


A ranar Litinin, 10 ga watan Agusta, wata babbar kotun Shari'a da ke zamanta a Hausawa Filin Hockey da ke cikin birnin Kano ta zartar da hukuncin kisa ga matashin mai shekaru 22 saboda wallafa wata waka mai dauke da kalaman batanci ga Annabi Muhammad. 


Daily Ngerian ta wallafa cewar wata jaridar yanar gizo mai suna 'Focus' da ke Kano ta bayyana cewa alkalin kotun, Khadi Aliyu Muhammad, ya zartar da hukunci a kan matashin, Yahaya Aminu Sharif, a yau, Litinin. 


Jaridar ta bayyana cewa Khadi Muhammad ya zartar da wannan hukunci ne bayan ya gamsu da hujjojin cewa matashin ya aikata laifin da ya jawo aka gurfanar da shi a gaban kotun. An gurfanar da matashin mawaki Yahaya a gaban kotu bayan an zargeshi da wallafa wata waka mai dauke da kalaman batanci ga annabi Muhammad a cikin watan Maris na shekarar 2020. 


Bayan wallafa wakar da kuma yaduwarta a dandalin sada zumunta, musamman Whatsapp, wasu fusatattun matasa sun kone gidan su matashin tare da jagorantar zanga-zanga zuwa hedikwatar hukumar Hisbah. 


SOURCE: LEGIT.NG

DAGA: BZGLOBALSERVICE.COM.NG

LATSANAN DOMIN SAMUN LABARAI TA WHATSAPP:
https://chat.whatsapp.com/KKAd5L0NolZ4F6yJqdblUO

SAYI  KWAKWKWARAR  DATAR MTN  MAI KYAU DA INGANCI ANAN DOMIN SIYA YANZU LATSA NAN↓↓↓
https://paystack.com/pay/mz-st-fdub

KARANTA WASU SABBIN LABARAI ANAN: 
https://www.bzglobalservice.com.ng/

KU BIYOMU A SHAFUKAN

@FACEBOOK: https://web.facebook.com/Bzglobalservice.com.ng/

@TWITTER: https://twitter.com/bzglobalsevice

KU AIKO MANA DA LABARI KO SHAWARWARI KO MAGANA DAMU KAITSAYE TA ADRESHIN EMAIL: bzglobalservicelabari@gmail.com

KU SAUKE MANHAJARMU TA ANDROID APPLICATION AWAYOYINKU NA HANNU KYAUTA DOMIN SAMUN LABARAI DA DUMI DUMI: https://www.appcreator24.com/app757657

Post a comment

0 Comments