MUJALLAR LABARAI, ROHOTANNI, BINCIKE, SHARHI, AL'AJABI, ILMANTARWA FADAKARWA DA NISHADANTARWA "Colour"
  • Latest News

    Latsa Koren Hoton Dake Qasa Domin Sauke Manhajar Labari Awayarka Ta Hannu Kyauta

    Tuesday, March 17, 2020

    Ronaldo ya bayar da otel din shi na CR7 domin a dinga kula da masu Coronavirus


    Bayan yaje kasar Portugal domin duba mahaifiyarsa, Maria Dolores Aveiro, wacce ta dauki tsawon lokaci babu lafiya, dan wasan mai shekaru 35 ya cigaba da zama a kasarsa ta haihuwa domin kebance kanshi daga sabuwar cutar Coronavirus mai kisa
    Ya yanke wannan shawara ne bayan an tabbatar da cutar a jikin daya daga cikin dan kungiyarsu ta kwallon kafa ta Daniele Rugani, wanda kuma aka yi msa hoto da sauran abokanansa kwana daya kafin ayi masa gwajin.

    Abin jin dadin dai shine, babu wata shaida dake nuna cewa dan wasan da sauran danginsa suna dauke da wannan cuta, hakan ya sanya dan wasan amfani da damar da yake da ita wajen yaki da wannan cutar.
    Ronaldo ya wallafa wani rubutu a shafinsa na Instagram, inda ya ce: "Duniya na cikin babban tashin hankali, inda hakan yake bukatar mu mayar da hankulan mu.
    "Ina magana daku a yau ba a matsayin dan wasa ba, ina magana daku ne a matsayin danku, kuma uba, sannan kuma dan adam wanda yake cikin damuwa akan abinda yake faruwa a duniya.

    "Yana da matukar muhimmanci muyi amfani da shawarar da hukumar lafiya ta duniya ta bamu, da sauran hukumomi masu fada aji akan yadda zamu kula da kanmu akan wannan lamarin. Kula da lafiyar al'umma ne abu mafi muhimmanci a wannan lokacin.

    "Ina so na aika da sakon ta'aziyyata ga duk wanda ya rasa wani nasa sanadiyyar wannan lamarin, sannan kuma ina jinjina ga wadanda suke yin kokari wajen kawo karshen wannan cuta."
    A cewar Marca, dan wasan ya bayyana kudurinsa na mayar da daya daga cikin otel dinsa dake kasar Portugal ya mayar dashi wajen da za a dinga lura da masu cutar ta Corona.
    Dakunan za a dinga amfani dasu ba tare da an biya ko sisi ba, sannan kuma Ronaldo da kanshi zai dinga biyan likitoci da kudin magani.
    LATSA NANπŸ‘‡πŸ‘‡πŸ‘‡ DOMIN SAMUN LABARAI DA DUMI DUMI TA WHATSAPP https://chat.whatsapp.com/BztTOlXx6c183yYthtZq1Y


    KU BIYOMU TA FACEBOOK FAGE DINMU KUYI LIKE DOMIN SAMUN LABARI 




    • Facebook Comments
    • Facebook Comments

    0 comments:

    Post a Comment

    KAYI TAMBAYA ANAN KOKA FADI RA'AYINKA AKAN ABINDA MUKEYI

    Item Reviewed: Ronaldo ya bayar da otel din shi na CR7 domin a dinga kula da masu Coronavirus Rating: 5 Reviewed By: Admin
    AIKA LABARI