MUJALLAR LABARAI, ROHOTANNI, BINCIKE, SHARHI, AL'AJABI, ILMANTARWA FADAKARWA DA NISHADANTARWA "Colour"

Kusauke Manhajar Bzglobalservice.com.ng Acikin Wayoyinku Na Android Kyauta Domin Samun Labarai

MUNA SIYAR DA DATA TA SHIGA YANAR GIZO TA KAMFANIN MTN DOMIN SIYA DANNA HOTON DAKE QASA YANZU

  • Latest News

    Monday, March 9, 2020

    Babu bata lokaci: Tubabben Sarkin Kano ya kammala shirin barin fada, zai bar Kano

    Tsohon sarkin Kano da gwamnatin ta tube wa rawani a ranar Litinin, Muhammadu Sanusi II, zai bar jihar Kano a yau, Litinin, kamar yadda jaridar Daily Trust ta wallafa cewa masanarta ta tabbatar mata. Kazalika, majiyar ta sanar da Daily Trust cewa tuni gungun jami'an tsaro suka kwace iko da fadar domin fitar da Sanusi daga jihar Kano. 

    Sai dai, a wani labarin da Legit.ng ta samu daga shafin jaridar BBC Hausa na nuni da cewa tuni an fitar da Sanusi daga fadar Kano, kuma za a raka shi ya hau jirgi don barin Kano. Kwamishinan yada labaran jihar Kano, Muhammde Garba, ya tabbatar wa da BBC cewa an bawa Sanusi tsaro, a saboda haka ba ya fuskantar wata barazana a yayin da za a raka wurin da zai zame masa mafaka. Wata majiya mai kusanci da fadar Kano ta sanar da Daily Trust cewa Sanusi zai tashi zuwa Abuja a yau, Litinin. 

    Rundunar jami'an tsaro a ranar Litinin ta tsinkayi fadar Sarkin Kano da ke jihar Kano. Wannan ya biyo bayan tumbuke Sarkin Kano, Malam Muhammadu Sanusi II da ofishin gwamnan jihar yayi. Rundunar jami'an tsaron da suka hada da 'yan sanda da jami'an NSCDC ne suka mamaye harabar fadar, kamar yadda gidan talabijin din Channels ya ruwaito. Gwamnati ta jibge jami'an tsaro a fadar ne gabanin sanar da sabon sarkin da zai maye gurbin sarki Sanusi, kamar yadda jawabin gwamnan jihar Kano, Dakta Abdullahi Umar Ganduje ya bayyana bayan sanar da tsige Sanusi. 



    LATSA NANπŸ‘‡πŸ‘‡πŸ‘‡ DOMIN SAMUN LABARAI DA DUMI DUMI TA WHATSAPP https://chat.whatsapp.com/BztTOlXx6c183yYthtZq1Y

    KU BIYOMU TA FACEBOOK FAGE DINMU KUYI LIKE DOMIN SAMUN LABARI 




    • Facebook Comments
    • Facebook Comments

    0 comments:

    Post a Comment

    KAYI TAMBAYA ANAN KOKA FADI RA'AYINKA AKAN ABINDA MUKEYI

    Item Reviewed: Babu bata lokaci: Tubabben Sarkin Kano ya kammala shirin barin fada, zai bar Kano Rating: 5 Reviewed By: Admin
    AIKA LABARI