MUJALLAR LABARAI, ROHOTANNI, BINCIKE, SHARHI, AL'AJABI, ILMANTARWA FADAKARWA DA NISHADANTARWA "Colour"

Kusauke Manhajar Bzglobalservice.com.ng Acikin Wayoyinku Na Android Kyauta Domin Samun Labarai

MUNA SIYAR DA DATA TA SHIGA YANAR GIZO TA KAMFANIN MTN DOMIN SIYA DANNA HOTON DAKE QASA YANZU

  • Latest News

    Friday, March 6, 2020

    An yanke wa wani bawan Allah hukuncin kisa ta hanyar rataya a Kano


    Wata babbar kotun Kano da ke zama a hanyar Miller ta yanke wa wani mutum mai suna Yakubu Dalha na kauyen Tsangaya a karamar hukumar Albasu hukuncin kisa ta hanyar rataya. Kotun karkasin jagorancin Jastis Yusuf Ubale Mohammed ta hukunta Yakubu kan kasancewarsa da hannu a mutuwar wani Zakariyau Bala wanda aka fi sani da Dangote. Masu kara karkashin jagorancin Abdullahi Bature, 

    sun gabatar da shaidu bakwai wadanda suka bayar da hujja kan mutumin da aka hukunta. Yakubu ya shiga cacar baki da Dangote kan lamuran siyasa; a halin haka sai wanda aka hukuntan ya dauki icce ya rafka wa marigayin wanda hakan ya sanya shi samun raunuka a kai da kafadarsa.

    An yanke wa wani bawan Allah hukuncin kisa ta hanyar rataya a Kano Source: Depositphotos

    Sajen Tijjani Sule wanda ke aiki da rundunar yan sandan reshen Albasu a nashi shaidar ya bayyana ma kotu cewa ya yi bincike a kan lamarin, cewa an kama mai laifin sannan an samu wani jawabi daga Yakubu wanda ke fallasa laifinsa.
    Wani likita, Dr Abdulkareem Sule, da ke aiki a asibitin kwararru na Murtala Muhammad ya bayyana cewa Dangote ya isa asibitin matacce. Lauyan mai kara ya sanar da kotu cewa lamarin ya afku ne a ranar 22 ga watan Agusta, 2012 a kauyen Tsangaya, inda ya kara da cewa lokacin da marigayin ya ji rauni, 

    makwabta da yan uwa sun dibe shi zuwa wani asibtin kudi a Dutswe, jahar Jigawa. Asibitin Dutse suka mayar dashi zuwa asibitin koyarwa na Aminu Kano inda daga nan aka kais hi asibitin Murtala inda aka tabbatar da mutuwarsa. Wanda ake karar, wanda ya yi watsi da shaidun da aka bayar a kansa, ya kira shaidu hudu domin su karyata tuhumar da ake masa.

    A hukuncinsa, Jastis Ubale ya bayyana cewa lauyoyin gwamnati sun tabbatar da lamarin fiye da yadda ake zato, inda yace shaidun da wanda ake kara ya gabatar basu yi daidai ba. Sai ya yi umurnin kashe mai laifin ta hanyar rataya. “Allah ya ji kan ka,” in ji alkalin.


    LATSA NANπŸ‘‡πŸ‘‡πŸ‘‡ DOMIN SAMUN LABARAI DA DUMI DUMI TA WHATSAPP https://chat.whatsapp.com/BztTOlXx6c183yYthtZq1Y

    KU BIYOMU TA FACEBOOK FAGE DINMU KUYI LIKE DOMIN SAMUN LABARI 




    • Facebook Comments
    • Facebook Comments

    0 comments:

    Post a Comment

    KAYI TAMBAYA ANAN KOKA FADI RA'AYINKA AKAN ABINDA MUKEYI

    Item Reviewed: An yanke wa wani bawan Allah hukuncin kisa ta hanyar rataya a Kano Rating: 5 Reviewed By: Admin
    AIKA LABARI